«Симфония көгіндегі жұлдыз» атты әңгіме сағат
08.11.2023
Бесарық бекеті ауылдық кітапханасында «Ғасыр» қызығушылар клубы мүшелерінің қатысуымен қараша айының 8-і күні Қазақстанның халық әртісі Төлепберген Әбдірашевтің туғанына 75 жыл толуына орай «Симфония көгіндегі жұлдыз» атты әңгіме сағат өткізілді. Мақсаты: ҚР еңбек сіңірген қайраткері, дирижер Төлепберген Әбдірашевтің өмірбаяны мен өнер жолынан оқырмандарға тереңнен мәлімет беру. Шығармашылығымен таныстыру. Әлемдік өнердің інжу-маржан атанған тұлғаның өмірін жас ұрпақтарға үлгі ету. Өнерге деген ынталарын оятып, шығармашылық қабілеттерін дамыту.
Шара барысында оқырмандарға Қазақстанның халық әртісі Төлепберген Әбдірашевтің өмірбаяны жайында мәліметтер берілді. Шығармашылығы, жеткен жетістіктерінеде кеңінен шолу жасалды. Дирижерлық өнер туралы өзара пікірлерін білдіріп, сұрақтарға жауап берді. Төлепберген Әбдірашев жайлы слайд шоу көрсетілді.
