«Желтоқсан – Тәуелсіздіктің ұлы рухы» атты тарихи кеш

13 желтоқсан күні «Қыран»   жеке мектебінің  5 сынып оқушыларының қатысуымен 16 желтоқсан – ҚР Тәуелсіздігі күніне орай    «Желтоқсан – Тәуелсіздіктің ұлы рухы» атты тарихи кеш  өткізілді. Мақсаты: Еліміздің тәуелсіздік алу жолындағы  ата-бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсету..
Оқушылардың туған өлкемізге деген сүйіспеншілігін, сезімдерін ояту. Елін, жерін сүюге, Отанын қастерлеуге, шыншылдыққа тәрбиелеу.

Шара Қазақстан Республикасының Гимнін хормен айтумен  басталып, кітапханашы Ж.Ибраимова,  сынып жетекшісі С.Әбілқайырова  балаларға  тәуелсіздіктің Алматыдағы алаңда болған желтоқсан  оқиғасынан бастау алып, ерлік көрсеткен аға-апалар жайлы әңгімеледі. Тәуелсіздікке жету жолындағы  тарихын түсіндірді. «Ой-ашар» сұрақ-жауап әдісі, «Рәміздерім мақтанышым» тақырыбы бойынша балалар жауап беріп, ел рәміздері туралы мақтанышпен айтып берді. Тәуелсіздікке арналған тақпақтарын оқыды. Кітапханашы Ж.Тулешова «Тарихы мол, тұғыры биік Қазақстан» атты кітап көрмесімен таныстырды.