«Тәуелсіздік ел тұғыры» дөңгелек үстел

2023 жылдың  желтоқсан айының 15 күні Жаңақорған ауданы №1 кенттік кітапханасының ұйымдастыруымен 16 желтоқсан — Тәуелсіздік күніне орай «Тәуелсіздік ел тұғыры» атты дөңгелек үстел өткізілді. Мақсаты: Еліміздің тәуелсіздік алу жолындағы ата — бабаларымыздың ерлігін паш ету, оқырмандарға желтоқсан құрбандарымен, желтоқсан оқиғасына қатысқан аға — апалардың ерлігін үлгі етіп көрсету. Оқырмандардың туған өлкемізге деген сүйіспеншілігін, сезімдерін ояту. Дөңгелек үстелге оқушылар және мектеп мұғалімдері, кітапханашылар қатысты. Әңгіме барысында өз өмірлерін қазақ елі үшін өлімге қиып, тәуелсіздік туын көтеріп, ерлік жасаған аға-апаларымыздың еңбектері жайлы айтылып өтті. Қасық қаны қалғанша жауға төтеп беріп, ерлік үшін шайқасып кеткен батырлар аға-апаларымыз жадымызда мәңгі қалады. Оқушылар өз туындыларынан шыққан Тәуелсіздік күніне арнаған өлең шумақтарымен бөлісті. Соңында кітапханашы Ә.Сағатқызы тәуелсіздік күніне арналып жасалған кітап көрмесімен таныстырып, шараны қорытындылады.