«Қазақтың данагөй абызы» тақырыбында кітап көрмесі

Түгіскен ауылдық кітапханасының ұйымдастыруымен 2023 жылдың 17 қараша күні қазақтың үш биінің бірі Төле би Әлібекұлының туғанына 360 жыл толуына орай «Қазақтың данагөй абызы» тақырыбында кітап көрмесі жасалып, оқырмандарға таныстырылды. Мақсаты: Өскелең жас ұрпаққа Төле бидің даналығы, шешендік сөздері жайлы түсіндіру, адамгершілікке, елін, жерін қорғауға тәрбиелеу, шығармашылығы жайлы әдебиеттерді насихаттау.

Шара барысында кітапханашы А.Көшербаевтың ұйымдастыруымен қазақтың атақты биі Төле бидің туғанына 360 жыл толуына арналған «Қазақтың данагөй абызы» тақырыбындағы кітап көрмесі жасалып, оқырмандарға таныстырып, өмірі мен шығармашылығы жайлы ақпарат берді. Шараға №209 Ә.Әбутәліпов атындағы орта мектептің 5 сынып оқушылары мен тұрақты оқырмандары қатысты. Қазақ тарихында шешендігімен, тапқыр шешімі әрі қара қылды қақ жаратын әділдігімен көзге түскен билердің ел тарихында алар орны ерекше. Соның ішінде атақты Төле би жайлы халық арасында түрлі деректер мен аңыз әңгімелер бар. Төле би Әлібекұлы – қазақтың қоғам қайраткері, шешен ұлы жүздің бас биі, Қазыбек, Әйтеке бидің қолдауымен үш жүзге төбе би болып сайланған. Артында «Бүтін билікке Төле би жеткен» деген сөз қалған тұлға. «Жеті жарғыны» жасаушылырдың бірі. Кітап көрмесіне «Төле би», «Бабалар сөзі», «Қазақ би-шешендері», Қазақстан ұлттық энциклопедиясы, Қаз дауысты Қазыбек би, Сыр елі энциклопедиясы, Оразкүл Асанғазының «Ұлт тұмары» т.б. кітаптар қойылды.