«Ғұмырдың тысы мен астары» атты кітабының тұсаукесері

Түгіскен ауылдық кітапханамен мектеп қызметкерлерінің ұйымдастыруымен 2024 жылдың 19 қаңтар күні жерлесіміз ардагер ұстаз, жазушы Ермахан Төреқожаевтың 80 жасқа толу құрметіне орай кездесу кеші және «Ғұмырдың тысы мен астары» атты кітабының тұсаукесері өтті.       Мақсаты: Ауылымыздың абыз ақсақалы, ардагер ұстаз, жазушы Ермахан Төреқожаевтың өмір жолы мен шығармашылығы жайлы көпшілік оқырманға, өскелең жас ұрпаққа кеңінен насихаттау.

Шара барысында сахнада Республикаға белгілі кинорежиссер Қалила Омаров түсірген «Бақсайыс әулие жоқшысы – Ермахан Төреқожаұлы» атты бейнефильм көрсетіліп, ауыл әкімі С.Туғанбаев құттықтау сөз сөйлеп, арнайы адресат тапсырды. Ел ағалары М.Ибрагимов, Т.Үсенов, Е.Құлымбетов, З.Сыздықовтар және ауылдық әйелдер кеңесінің төрайымы А.Наубаевалар мерейтоймен құттықтау сөз сөйлеп, жазушының «Ғұмырдың тысы мен астары» атты кітабының тұсауын кесті. Сондай-ақ мәдениет үйінің қызметкерлері «Ағатай», «Аташым», «Мен атаммен мақтанам»,  «Ер жеттім әке», «Ераға», «Перзент парызы» атты әндерін орындады.