Кітап тұсаукесері

Адырбек Сопыбеков атындағы аудандық кітапхананың Оқырмандарға қызмет көрсету бөлімінің ұйымдастыруымен «Әлем-ВООК» жобасы аясында журналист, жазушы ҚР Мәдениет қайраткері, қазіргі таңда зейнеткер Сарқұлов Асан Кенжебекұлының «Бабай батыр» атты кітабының тұсау кесері болып өтті. Мақсаты: жергілікті журналист оншақты кітаптың авторы Асан Сарқұловтың шығармашылығымен кеңінен таныстырып, кітаптың ішкі мазмұнын ашып, оқырмандарды қызықтыру. Жазушының тәлім-тәрбиелік ойларын, жарық көрген кітабын оқырмандарға айтып түсіндіру, туған еліне, жеріне деген сүйіспеншілік сезімін ояту.

Іс-шараға Бабай батырдың ұрпақтары Мәдіхан Сейітов және Бөгенбай ағамыз, ҚР-ның спорт шебері Әбдіғаппар Ашимов, тарихшы Әлімжан Ержанов, кітапхананың тұрақты оқырмандары мен колледж студенттері қатысты.

Тұсаукесер рәсімін ашқан А.Сопыбеков атындағы аудандық кітапхананың директоры АТилеубергенова қонақтарды осындай маңызды оқиғаның өткізілуімен шын жүректен құттықтап, авторға жылы лебізін білдіре отырып, кітаптың мазмұны жоғары екеніне баға берді. Кешке қатысушы қонақтар жүрекжарды лебіздерін білдірді. Сөзді жалғастырған кітап авторы Асан Сарқұлов кітаптың тарихына қысқаша шолу жасады.

«Туған өлкенің тумасы» атты кітап көрмесімен кітапханашы З.Садыкова таныстырып өтті. Сондай-ақ оқырмандарға «Замана көшіндегі дін ақиқаты», «Славжан», «Бабай батыр», «Ақ пырақ», «Ақ сөйлейік», «Һисамиддин Сығнақи» атты кітаптарын оқуға ұсынды.