«KITAP шоу-2024» фестивалі

Бірлік ауылдық кітапханасында 23 сәуір- Дүниежүзілік кітап және авторлық құқық күніне орай «ҰШҚЫН» кітап қоғамы мүшелерінің ұйымдастыруымен «КІТАП шоу -2024» фестивалі өткізілді.

Мақсаты: Оқырмандардың кітапқа деген қызығушылықтарын арттыру, өңірімізде кітап оқу мәдениетін қалыптастыру.

Шара барысында қатысушылар «Коворкинг» орталығында орналасқан» 35 кітап 35 жасқа» атты еркін кітаптар көрмесімен танысты. Шарамыз «Болашаққа кітаппен» атты оқу марафонына ұласты. Оқырмандар өздері оқыған кітаптары жайлы өз ойларымен бөлісіп, ең сүйікті кітабына жарнама жасады. Ары қарай аудан орталығындағы «Маки маки» кафесінде тылсым да шытырман оқиғалы детектив жанрының хас шебері Агата Кристидің «Он қара домалақ» кітабына талдау жасалды.

Кітап өте жеңіл оқылады, сюжеті де өте қызықты. Шығарма жырақтағы аралға бірін-бірі танымайтын он адамның келуімен басталады. Аралға табан тірегендердің әрқайсысы арнайы шақыртумен келген. Бірақ не үшін шақырылғаны белгісіз. Бәрі де жұмбақ, бәрі де қызықты! Кітап барша әдебиетсүйер қауымға, әсіресе детектив жанрына әуес оқырмандарға арналған.Жұмбаққа толы тылсым сырды білгіңііз келсе осы кітапты оқыңыз. Атаулы мерекеде кереметтей шараның өтуіне атсалысқан демеушіміз Өтен Дәулетке алғысымыз шексіз.