«Ақбілек» романына талдау.

2024 жылдың сәуір айының 14 күні №1 кенттік кітапханасының және №56 орта мектептің кітапханашысы Тілеубергенова Набаттың ұйымдастыруымен «Адал адам» мәдени-тәрбие орталығы тұжырымдамасының «Әлем-BOOK» жобасы бойынша қазақтың көрнекті жазушысы, драматург, публицист Жүсіпбек Аймауытовтың туғанына 135 жыл толуына орай «Ақбілек» романына талдау жасалынды. Мақсаты: Шығарманың құрылысына сюжеттік-композициялық талдау жасай отырып, оқырмандарға кейіпкерлердің іс-әрекеттері туралы өзіндік пікірлерін қалыптастыру, идеясын ашу. Кейіпкерлер бейнесіне шолу.

Шара №56 мектептің кітапханасында 8-9 сынып оқушыларымен және сынып жетекшілерімен қатысып,  шығарманың мазмұнын тереңінен ашып айтып, кейіпкерлерді жан-жақты сипаттап, өз пікірлерін де ортаға салды. №1 кенттің кітапханашысы Сағатқызы Әсем шығарманың авторы Жүсіпбек Аймауытовтың толық өмір жолын, басқа да шығармаларымен таныстырып, ақпарат беріп өтті.