«Сыр өңірінің абызы» тақырыптық кеш

2024 жылы 15 мамыр күні  Еңбек ауылдық кітапханасының ұйымдастыруымен «Адал адам» мәдени тәрбие орталығының тұжырымдамасының «Әлем ВООК» жобасы аясында қоғам қайраткері Сейілбек Шаухамановтың туғанына 85 жыл толуына орай «Сыр өңірінің абызы» атты тақырыптық кеш өткізілді. Мақсаты: Қоғам қайраткері, «Құрмет белгісі», «Халықтар достығы», «Құрмет», «Парасат» ордендерінің иегері, Қызылорда облысының құрметті азаматы – Сейілбек Шаухамановтың өмірі мен еңбектерін таныстыру.

Шара барысында кітапханашы қазақ қоғам қайраткері, инженер-механик, экономика ғылымдарының кандидаты, саясаттанушы Шаухаманов Сейілбек Шаухаманұлының өмірімен еңбек жолымен таныстырды. Егемендігіміз бен елдігіміздің алғаш қалыптасу барысындағы тар жол – тайғақ кешуде саяси – экономикалық реформаларды тұңғыш ұйымдастырушылардың, мемлекеттігімізді нығайтуға белсенді ұйытқы болған тұлғалардың бірі екендігін айтып, «Сыр өңірінің абызы» атты кітап көрмесімен таныстырды.