«Азаматтың асылы-елге сая болғаны» атты әңгіме сағат

Бесарық бекеті ауылдық кітапханасында «Адал адам»  мәдени-тәрбие орталығы тұжырымдамасының  «Әлем ВООК»  жобасы аясында мамыр айының 15-і күні ауданның Құрметті азаматы, Шәзінда Қарақожаевтың туғанына 90 жыл толуына орай «Азаматтың асылы-елге сая болғаны»  атты әңгіме сағат өткізілді. Мақсаты: Оқырмандарға ауданның құрметті азаматы Шәзінда Қарақожаевтың өмірбаяны, өмір жолы жайында мағұлматтар беру. Еліне сіңірген еңбегі мен үлгілі ісін насихаттау. Жас жеткіншектердің бойында ізгіліктен ұлағат алу сезімін қалыптастыру.

Әңгіме сағат барысында оқырмандарға   Шәзінда Қарақожаевтың өмірбаяны, атқарған қызмет жолы  туралы мағұлматтар берілді. Халықына сіңірген ерен еңбектері жайында айтылды. Кітапханашы отбасы, жары, балалары жайлы ақпараттармен бөлісті. Балалар Шәзінда Қарақожаев туралы сұрақтарға жауап беріп, өмір жолы жайында өз ойларын ортаға салды.