«Бар мейіріміміз балаларға» атты ертеңгілік

2024 жылдың 30 мамыр күні Құттықожа ауылдық кітапханасында «Бар мейіріміміз балаларға» атты тақырыпта ертеңгілік өткізілді.  Мақсаты: 1  маусым – Халықаралық балаларды қорғау күні мерекесін атап өтіп, балаларды кітапханаға, кітап оқуға тарту, кітап оқу, сканворд, ребустарды шешіп, сурет салу, жапсыру арқылы ішкі жан  дүниесін арттырып, адамдармен, табиғатпен танысып, жақсылық іс істеуге құштарландыруға баулу.

Осы мақсатта 1 маусым — Халықаралық балаларды қорғау күнінің шығу тарихынан мәлімет беріліп, тақырыпқа сай ән айтылып, өлең оқылды. Сондай-ақ суретті кітаптар, жапсырмалар, журналдар мен ребус, сканворд, крассворд ойындары беріліп, оқушылар берілген тапсырмалар бойынша жұмыс жасады. Оқушылар өздерінің ұшқыр ойлы, тапқыр екендігін көрсетіп, сурет салу, жапсыру істеріне де өте икемді екендіктерін көрсетті. Шара соңында кітапханашы балаларға рахметін айтып, сыйлықтар ұсынды.