Қазақтың ұлы перзенті

Ұл тәрбиелей отырып, жер иесін тәрбиелейміз. Қыз тәрбиелей отырып, ұлтты тәрбиелейтініміз анық. Жастарды рухани кемелдендіру, физикалық тұрғыда, патриоттық рухта тәрбиелеу – ұлттық құндылықтардың, ұлт саулығының, кемел келешектің кепілі болмақ. Осы тұрғыда бүгін Халық қаһарманы Рахымжан Қошқарбаевтың 100 жылдығын орай «Қазақтың ұлы перзенті» атты тұлға тану шарасын А. Сопыбеков атындағы аудандық кітапхана ұйымдастырды. Шараға кітапханамыздың тұрақты оқырманы, тарихшы Ә. Ержанов, әлем чемпиондары С. Ибрагимов, А. Реметов, Б. Оразбаев және Жаңақорған жастары қатысты. Шараны Республикалық айтыскер жас ақынымыз  М. Абдуллаев арнауымен ашып, ақын және Қоғам қайраткері К. Салықовтың «Төсінде батыр аға жұлдыз қонды» өлеңін Шалхия кентінің кітапханашысы М. Еркін оқыса, ақын М. Оспанов өз арнауын орындап көпшілік көңілінен шықты. Кітапхананың оқырманы суретші Н. Файзулла батырдың ту тіккен шақтағы суретін салып, таныстырып, жастарға рух берді. Ә. Ержанов Р. Қошқарбаев туралы тарихты кеңінен ашып беріп, чемпиондар жастарға патриоттық күш сыйлады. М. Көкенов атындағы аудандық мәдениет үйінің қызметкері А. Молдабек «Қазағым» әнімен кешімізді қорытындылады.

Мақсаты: Осындай ерліктің ерен үлгісін көрсетіп, артында өшпес із қалдырған ердің ісін ұмытпай тарихымызды жаңғыртып отыру-бүгінгі ұрпақтың парызы екендігін, Елім деп туған ерлердің есімі бір ғасыр өтседе, ел есінде сақталатынын, қазақтың Рахымжандай дара да дана батырдың жеңісін жастарға насихаттау.