Қарттарым асыл – қазынам

Төменарық ауылдық кітапханасының ұйымдастыруымен қарттар күніне орай «Қарттарым асыл – қазынам» атты өнеге сағаты болып өтті.

Кештің мақсаты: Оқушылардың бойына халқымыздың қадір – қасиетін сіңіру, үлкенді сыйлай білуге, өз ата – бабасын ұмытпай есте сақтауға және аталы сөзден ғибрат алуға тәрбиелеу.

Кешімізге ауылымыздың жасы үлкен қариялары мен тыл ардагерлері қатысты.  Шара барысында оқушылар «Ақ әжем», «Ата өсиеті» атты жыр жолдарын Ысқақ Ұлболсын, «Қарттарым» арнау өлеңін Кемелбек Мерей оқып, клуб үйінің сүйемелдеушісі  Ж.Түменбаева «Әке туралы ән», клуб үйінің мәдени ұйымдастырушысы Б. Сәрсенбаев «Аңсағаным» әндерін орындады.  Кітапханашы Н.Есіркепова келген қонақтарға алғыс айтып, кешті қортындылады.