4 қазан күні Оқырмандарға қызмет көрсету бөлімінің ұйымдастыруымен жазушы-журналист Омар Бәкірұлының «Өнер саңлағы» атты кітабының тұсаукесері өткізілді

4 қазан күні Оқырмандарға қызмет көрсету бөлімінің ұйымдастыруымен жазушы-журналист Омар Бәкірұлының «Өнер саңлағы» атты кітабының тұсаукесері өткізілді. Мақсаты: Омар Бәкірұлының шығармашылығы мен естеліктері тоғысқан өмір жолын насихаттау, халық ақыны, сазгер Нартай Алыпқашұлы Бекежановтың елімізге сіңірген зор еңбегі, шығармашылық жемісті қызметі және қалдырған мол мұрасы жайлы  жазылған «Өнер саңлағы» атты кітабын оқырмандарға таныстыру. Шараны кітапхана директоры А,Тилеубергенова ашып беріп, жазушының шығармашылық жолына творчестволық табыс тіледі. Шараны жүргізуші кітапханашы М.Кадирбергенова жазушының өмірбаянымен таныстырса, «Өнер саңлағы» атты кітап көрмесіне кітапханашы З.Садыкова библиографиялық шолу жасады. Шараға қатысқан ақын, Қазақстан және халықаралық Жазушылар одағының мүшесі, Жаңақорған ауданының «Құрметті азаматы» Файзулла Сахиев, бауыры Әділбек Бакірұлы  Өмірбековке сөз беріліп,  жазушының әр еңбегі оқырмандардың жүрегіне жол тауып, көңілінен шыға берсін деген игі тілектерін жеткізді. Тұсау кесер құрметіне  жазушының ағасы, еңбек ардагері   Әбутәліп Жамалұлы Байсынов, ағасы Оспан Бәкірұлы Өмірбеков, інісі  Әділбек Бәкірұлы Өмірбековті қошеметпен ортаға шақырып, салтанатты түрде халық ақыны, сазгер Нартай Алыпқашұлы Бекежановтың елімізге сіңірген зор еңбегі, шығармашылық жемісті қызметі  және қалдырған мол мұрасы жайлы жазылған «Өнер саңлағы» атты кітабының тұсауы кесіліп, шараға қатысушы кітапханашыларға тарқатылып, жазушы өз қолтаңбасын жазып берді. Ұрпаққа ұлағатты ізін тастаған бұл кітаптың оқырманы көп болғай тілекпен шараны кітапхана директоры А.Тилеубергенова қорытындылады.