Қазақ әдебиетінің ақсұңқары

15 қазан күні №169 Н.Илялетдинов атындағы орта мектепте Жаңақорған аудандық балалар кітапханасының ұйымдастыруымен №169 мектептің 7 — сынып оқушылары  және кітапханашысы Оспанова Ақботаның қатысуымен ақын, жазушы, қоғам, мемлекет қайраткері Сәкен Сейфуллин – 130 жыл толуына орай «Қазақ әдебиетінің ақсұңқары» атты поэзия сағаты өткізілді.

Мақсаты: Жас ұрпақты еліміздің тәуелсіздігі мен егемендігі үшін күрескен, Алаштың ардақтысы Сәкен Сейфуллиннің өмірі мен шығармаларын оқып білуге баулу, ақынның өз заманындағы саяси-қоғамдық көзқарасын таныту, ұлтжанды ұрпақ тәрбиелеу.

Шараны 7-сынып оқушылары жүргізіп, ақынның өмірбаяны мен оның қаламынан шыққан шығармаларына қысқаша тоқталып өтті. Балалар Сәкен Сейфуллиннің табиғат, туған жер және алуан тақырыптарға жазылған өлең жолдарын жатқа айтты. Шара барысында «Сезім мен сұлулықты жырлаған сері ақын» атты кітап көрмесімен кітапханашы Ж.Ибраимова таныстырып, кітапханашы Ақбота Оспанова шараны қорытындылады. Шараға 33 оқырман қатысты.