Ұмытылмас ақын мұрасы

Қожамберді ауылдық кітапханасының ұйымдастыруымен 15 қазан күні «Әлем-ВООК» жобасы аясында  №162 орта мектебінің кітапханасында 8 сынып оқушыларымен және Балғабаева Айнаштың қатысуымен  қазақ әдебиетінің негізін салушылардың бірі жазушы Бейімбет Майлиннің 130 жыл толуына орай «Ұмытылмас ақын мұрасы» атты танымдық сағат өткізілді. Мақсаты: ХХ ғасырдың қазақ әдебиетінің аса көрнекті өкілдерінің бірі –Бейімбет Майлин туралы білімдерін кеңейту, өмір жолы мен шығармашылығын, біртуар жазушы екенін ұрпаққа насихаттау.

8 сынып оқушысы Әлтаева Гүлсезім, Әлмұхан Мирас және Сейілхан Арайлым сөз шебері Бейімбет Майлиннің өлеңдерінен үзінді оқып, көпшіліктің ыстық ықыласына бөленді. 8 сынып оқушысы Жанұзақ Жансая көрермендерге «Балбырауын» күйін тарту етті. Халықтың жағдайы мен кедейлердің өмірін өлеңдеріне арқау еткен ақын «Қазақ» газетіне «Мұқтаждық» өлеңін жариялаған болатын. Бейімбет Майлиннің бұл өлеңіне ерекше назар аударған оқушыларымыз Арыстанбекова Жазира мәнерлеп оқып берді.

Сонымен қатар, ақынның саяси қарбалас кезінде жарыққа шыққан «Елім-ай» өлеңін мектеп оқушылары нақышына келтіріп, мәнерлеп оқыды. Оқушыларымызды ақын шығармашылығымен тереңірек таныстырып, өмір жолынан мағлұмат берген музыкалық-әдеби кештің тәрбиелік мәні зор болды.