Қазақстан-кең байтақ Отаным

Қожамберді ауылдық кітапханасының ұйымдастыруымен «Қазақстан-кең байтақ Отаным» атты көркем сөз оқу шарасы өткізілді.

Мақсаты: Отанға деген сүйіспеншілікті арттырып, тәуелсіз еліміздің жетістіктерін жастар арасында насихаттау, патриоттық рухын ояту. Республика күні – тәуелсіздіктің асқақ символы.

Шараға №162 орта мектебінің  5-6 сынып оқушылары қатысты. Шара барысында шараны жүргізген  клуб үйінің сүйемелдеушісі Асылбеков Бақыт Республика күнінің маңызды-лығы жайлы, еліміздің тәуелсіздік жариялануына  негіз болған айтулы күн екені жөнінде қысқаша айтып өтті. Кітапханашы С.Мұстапаева «Қыран елім-Қазақстан» атты кітап көрмесін жасақтап таныстырып өтті. Сонымен қатар 5-6 сынып оқушылары Ассатулла Нұрболат, Ерсінбекқызы Адиля, Сабитхан Нұрсая, Балабек Сезім, Сабитхан Балнұр  туған жер, Отан туралы ақындардың өлеңдерін оқыды.