Ақын — елдің ардағы

Түгіскен ауылдық кітапханасының ұйымдастыруымен 2024  жылдың 21 қараша күні ақын Нұртас Исабаевтың 70 жасқа толуына орай «Ақын  — елдің ардағы» тақырыбында поэзия сағаты өтті.

Мақсаты: жерлесіміз ақын Нұртас Исабаевтың өмірі мен шығармашылығық еңбегімен таныстыру, ақынның өлеңдерін оқушылар назарына ұсыну.Халықтың ыстық ықыласына бөленіп жүрген қаламгеріміздің өрнегі мол жырларын оқуға насихаттау,жастардың кітап оқуға деген құлшынысын арттыру.

Шараны кітапханашы А.Көшербаев жүргізіп, жерлесіміз ақын Нұртас Исабаевтың өмірі мен еңбек жолы, шығармалары жайлы ақпарат беріп өтті. Тағдырдың сынағынан рухы жасымаған өршіл ақын айналасындағы әр құбылыстан ізгілік шуағын іздейді. Жан жылуына бөленген азаматтық жырларының қай-қайсысы да оқырманын бей-жай қалдырмайды, өмірдің қадірін білуге, сұлулықты сезінуге үндейді. Шараға №209 Ә.Әбутәліпов атындағы орта мектептің оқушылары қатысты. Мектептің 6а сынып оқушылары Тұрсынхан Бекзат, Раш Әділет, Ергеш Қасиет, Ергеш Әмина, Олжабай Аяжан, Уменов Нұршайықтар ақынның «Ұшайық бірге», «Көбелек», «О өмір,сүйем сені!», «Келді күз», «Қазақтар», «Жаңбыр», «Көктем» өлеңдерін жатқа оқыды. Клуб үйінің қызметкері М.Махамбетжанова ақынның «Өмірге құштарлық» романын оқығандағы әсерімен бөлісіп, қызықты әңгімелеп берді. Бұл романда басына түскен қиындықты айналасындағы адамдармен бірге мойымай жеңіп шыққан ақынның тағдыры жайлы баяндалады. Сонымен бірге 7 а сынып оқушылары Ақмырзаева Алина, Болатхан Мадиналар ақынның «Шуақты күн», «Поэзия» өлеңдерін жатқа оқыды. Кітапханашы А.Көшербаев «Ақын – елдің ардағы» тақырыбында жасалған кітап көрмесімен таныстырды.