Тәуелсіздік — тірегім, Қазақстан – жүрегім

11 желтоқсан күні Жаңақорған аудандық балалар кітапханасының ұйымдастыруымен №289 мектептің мұғалімі Тастанбек Айгеріммен бірлесе, 3- сынып оқушыларының қатысуымен 16 желтоқсан Тәуелсіздік күніне орай, Тәуелсіздік — тірегім, Қазақстан – жүрегім атты жыр кеші өткізілді. Мақсаты: Еліміздің тәуелсіздік алу жолындағы ата — бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға — апалардың ерлігін үлгі етіп көрсету. Елін, жерін сүюге, Отанын қастерлеуге, шыншылдыққа тәрбиелеу.

Мсрекелік кешті №289 орта мектебінің «Еркеназ» би тобы «Жаса Қазақстан» биімен ашып берді.  Ұлттық мерекенің алғашқы сөз тізгіні балалар кітапханасының меңгерушісі Жанат Тулешоваға сөз беріліп, келген жастарға кітапханамызды  таныстырып өтті. Мерекелік кешке дайындалып келген 3-сынып оқушылары  Тәуелсіздік жайлы  өлең шумақтарын  жатқа  айтып, оқушылардың  орындауында «Қазақстаным — Отаным» әнімен хор айтылды. Егеменді еліміздің құрылуы мен Тәуелсіздік алу жолындағы қаншама төгілген тер мен еңбек жайлы видеоролик көрсетілді. Кітапханашы Айнұр Саттарқызы  «Тарихы сырлы, ертеңі нұрлы ғажап ел» атты кітап көрмесін  кеш қонақтарына таныстырды. Кеш соңында мұғалім Тастанбек Айгерім сөз алып, жас буынға Тәуелсіздіктің  оңай келмегені жайлы  айтып, кітапханашы қыздар мерекеге орай оқушыларға сый-сияпат табыстады .