Поэзия падишасы

Түгіскен ауылдық кітапханасында 2024 жылдың 19 желтоқсан күні клуб,кітапхана қызметкерлерінің ұйымдастыруымен «Адал адам» мәдени–тәрбие орталығы тұжырымдамасының «Әлем — ВООК» жобасы аясында ақын Фариза Оңғарсынованың туғанына 85 жыл  толуына орай «Поэзия падишасы» тақырыбында әдеби – сазды кеш өтті.

Мақсаты: қазақтың біртуар ақыны Фариза Оңғарсынованың өмірі мен шығармашылығын кеңінен насихаттай отырып,оқушыларды адамгершілікке,адалдыққа тәрбиелеу. Ақынның өлеңдерін жатқа оқу.  Кітап оқуға деген қызығушылықтарын арттыру.

Аталмыш шараға № 209 Ә.Әбутәліпов атындағы орта мектептің 7 сынып оқушылар мен клуб үйінің қызметкерлері қатысты.Шараны кітапханашы А.Көшербаев жүргізіп, ақынның өмір жолы  мен шығармашылығын таныстырып,оның кітаптары  жайлы ақпарат беріп,кітапхана қорындағы ақынның өлеңдері мен шығармалары топтастырылған әдебиеттерден жасақталған «Поэзия падишасы» атты кітап көрмесімен таныстырып өтті.Поэзия әлемінде өзіндік үні бар, өмірінөлеңмен өрнектеген көрнекті ақынның өлеңдерін өскелең жас ұрпақ сүйіп оқиды. Оның өлеңдеріне қаншама сазгерлер ән жазды.Шара барысында оқушылар А.Қожабекова,А.Әбілқасым, А.Тұрсынхан «Туған жер», «Күз», «Туған ауыл», «Менің халқым», «Жыр оқысам» өлеңдерін мәнерлеп жатқа оқыды.Клуб үйінің қызметкері Л.Қожабаева ақын Мұқағали Мақатаевтың сөзіне жазылған Ә.Тінәлиевтің әні «Фариза қыз» әнін орындады.Домбыра үйітмесінің қыздары «Аман бол,шешем,аман бол!» күйін орындады.Клуб үйінің қызметкері М.Махамбетжанова ақын Ә.Дәулетбаеваның «Фариза апаға» арнау өлеңін оқыды. Қазақ халқының сүйіспеншілігіне бөленген қайталанбас тұлға Ф.Оңғарсынованың мол мұрасы,өлеңдері поэзия сүйер ұрпақтың жүрегінде мәңгі сақталады.