Жемқорлыққа жол жоқ

6 маусым күні Бірлік ауылдық кітапханасында Сыбайлас жемқорлыққа қарсы «Жемқорлыққа жол жоқ» атты тақырыпта тренинг өтті.

Шара барысында сыбайлас жемқорлықтың алдын алудың тиімді тетіктері талқыланып, 2015-2025 жылдарға арналған Сыбайлас жемқорлыққа қарсы стратегия туралы түсінік берілді. Кітапхананың тұрақты оқырманы N 7 «Қызғалдақ» бөбекжайының меңгерушісі Г. Момынханова өмірден алынған нақты мысалдарға тоқталып, сыбайлас жемқорлықтың алдын алу, ескерту мақсатындағы бейнематериалдар көрсетті. Сондай-ақ, мемлекеттік қызметшілердің этика сақтау мәселелері жөнінде ой қозғады. Шара барысында кітапханашы К.Сұлтанбаева «Парақорлық эмблемасы», «Өмірлік құндылықтар», «Біздің еліміз парақорлықтан таза» атты тақырыптарда тренинг жаттығуларын өткізді. Онда қатысушылар ашкөздік пен ақшаның жағымсыз қасиеттерін адамға қалай кері əсерін тигізетінін нақты көрсетті. Тренингке қатысушылар «Сыбайлас жемқорлық деген не?»,»Сыбайлас жемқорлықты қалай жоюға болады? » атты тақырыпта топтық жұмыс нəтижесінде постерге өз ой-пікірлерін жазып, қорғады.