«Абай – мәңгілік тақырып»

2021 жылдың  10 тамыз күні №2 Кенттік кітапхананың ұйымдастыруымен 10 – тамыз Абай күніне орай, «Абай – мәңгілік тақырып» атты әлеуметтік желіге бейне шолу жариялады.

Мақсаты: -Ұлы ақынның өнегелі өмірімен таныстыру, шығармаларына шолу жасау, Абай шығармашылығын сүйіп оқуға, өмірін, қасиеттерін үлгі ете отырып, білім-ғылымға құмарлығын арттыру. Жас ұрпақты Абай шығармашылығын танып өсуге тәрбиелеу.

Абай адам өмірінің бірталай келеңсіз жақтарын сынай отырып, одан құтылудың жолын да көрсетіп береді. Өнер, білім, ғылым үйреніп қана қоймай, сол алған білімді қалай жұмсау керектігін де айтып өткен. Ақынның шығармашылығының өзегі «Адам бол» деген философиялық идеяға сәйкес келеді. «Ондай болмақ қайда деп, айтпа ғылым сүйсеңіз» — дегенде ғұлама адамның рухани жетілу мүмкіндігінің шексіздігін көрсетті. Әлеуметтік желі арқылы Абай Құнанбайұлы туралы молынан мағлұмат берілді.