«Балалар әдебиетінің алтын ғасыры» атты book-parties (кітап кеші)

7 желтоқсан күні Жаңақорған аудандық балалар кітапханасының ұйымдастыруымен  Қазақстан Республикасының Тәуелсіздігіне 30 жыл мерейтойы қарсаңында,  «Мен жастарға сенемін» жобасы аясында 2021 жыл — Қазақстандағы балалар мен жасөспірімдердін кітап оқуын қолдау жылын қорытындылау, балалардың кітап оқуға деген құмарлықтарын арттыру, баланы дамыту және өзін жетілдіруге көмек көрсету, әрбір баланың ішкі дүниесін дамытып, шығармашылық қабілеттерін тәрбиелеу  мақсатында «Балалар әдебиетінің алтын ғасыры» атты book-parties (кітап кеші) өткізілді.

Шараға кітапхана директоры Асемкүл Тилеубергенова, Жаңақорған ауданының Құрметті Азаматы, аудандық «Қазақ тілі» қоғамының төрағасы Ізатулла Нәрзілдаев, аудандық әйелдер кеңесінің төрайымы, Жаңақорған ауданының Құрметті Азаматы Қыстаубаева Азия, аудандық оқушылар үйінің ұстазы Маханова Фарида, N3 мектеп-интернатының кітапханашысы Есенбекова Гүлжахан мен кітапханамыздың белсенді оқырмандары, «Сағыныш-Ш» балабақшасының бүлдіршіндері қатысты. Шараны ашып берген кітапхана директоры А.Тилеубергенова кітапханада жыл бойына өткізілген шараларға тоқталып, алдағы уақытта да жетістіктерге жете берулеріне тілектестік білдіріп, үлкен кісілердің жолын берсін  деген ниетпен  І.Нәрзілдаев пен Ә.Қыстаубаева жыл бойына кітапхананың өткізген шараларына белсенді қатысқан оқырмандарға алғысхат тапсырды. «Сағыныш-Ш» балабақшасының білдіршіндері А.Нұридин мен Е.Азамат ән шырқаса, кітапхана оқырмандары С.Бейбіт  би билеп, З.Аманбай тақпақ оқып, Б.Ерсұлтанұлы «Тойбастар» күйін орындап берді.