«Ел болашағының негізі — ұлттық жаңғыру» атты дөңгелек үстел

Бірлік ауылдық кітапханасының ұйымдастыруымен 2023 жылдың 25 қаңтар күні «Болашаққа бағдар: рухани жаңғыру» бағдарламасы аясында «Ел болашағының негізі — ұлттық жаңғыру» атты дөңгелек үстел өткізілді. Шараға N55 С.Қожанов атындағы орта мектептің тәлімгері  К.Искакова, жас ұстаздар А.Сұлтанбек, Ж.Орынбасар, №7 «Қызғалдақ» бөбекжайының меңгерушісі Г.Момынханова мен тәрбиешілері және кітапханамыздың тұрақты оқырмандары қатысты.

  Мақсаты: Оқушылардың бойында ұлттық сананы ояту, жас ұрпақ санасына, туған халқына деген құрмет, сүйіспеншілік, мақтаныш сезімін ұялату, ұлттық рухты сіңіру, өз қабілеттерін танытуға мүмкіндік беру, бәсекелік қабілетін арттыру

Шара барысында «Рухани жаңғыру» бағдарламасының жалпыұлттық алты негізгі жобаларының бірі саналатын «Туған жер» жобасының 4 кіші бағдарламаларының ішіндегі «Тәрбие және білім» атты кіші бағдарламасының өзектілігі, басымдығы, мақсаты жайлы Г.Момынханова құнды ойларымен, пайымды пікірлерімен бөлісіп, кітапханашы «Рухани жаңғыру – ұлт жаңғыруы» атты кітап көрмесі ұйымдастырылды.