«Жыр жақұтын тербеген ақын» атты кездесу кеші

11 қазан күні  Аудандық балалар кітапханасының ұйымдастыруымен Қазақстан Журналистер Одағының мүшесі, Жаңақорған ауданының Құрметті азаматы, ақын Ф.Сахиевтің 75 жасқа толуына арналған «Жыр жақұтын тербеген ақын» атты кездесу кеші болып өтті.

Мақсаты: оқырмандарды жерлес ақынның шығармашылығымен таныстырып, кіші буын жастарға патриоттық рух беріп, адамгершілік қасиеттерге баулу. Ақынның өлеңдері арқылы халқына, Отанға деген сүйіспеншілік сезімдерін ояту.

Шараға ақын Файзулла Сахиев, Қызылорда облысының Құрметті ардагері Ә.Сүгірбаев,  Жаңақорған ауданының құрметті азаматы І.Нәрзілдаев және «Жаңақорған тынысы» газетінің журналисті М.Патенова мен №286 мектептің 9 сынып оқушылары мен сынып жетекшісі С.Шерімбетова  қатысты.

Шара барысында қадірлі қонақтар сөз алып, мерейтой иесінің шығармашылық әлемінен жан-жақты сыр қозғаса, жастар жағы осы сәтті пайдаланып сүйікті қаламгеріне көкейінде жүрген қызықты сауалдарын қойып, тұшымды жауап алды, «Өмір жырын шерте білген – Файзулла»  атты кітап көрмесімен танысты. Сырласу стилінде өткен жүздесудің ерекшелігі де сол – мұнда жазушы бұған дейін ешбір жерде айтылмаған тың дерек, қызықты сәттерімен бүкпесіз бөлісті.     Оқушылар ақынның «Туған жерім жүрегім», «Ауылым – алтын бесігім», «Өмір – өзен», «Сырдағы елім – сыр маған», «Жаңақорғаным»   т.б  өлеңдерін мәнерлеп оқыды. Шара соңында  оқушылар ақынмен бірге естелік суретке түсті.