«Тұғыры биік тұлға» атты кітап көрмесі

15 қараша күні Жаңақорған ауданының М.Көкенов атындағы аудандық мәдениет үйінің фойесінде А.Сопыбеков атындағы аудандық кітапхананың ұйымдастыруымен «Құрмет» орденінің, «Ерен еңбегі үшін» медалінің және «Ыбырай Алтынсарин» төсбелгісінің иегері, «Жаңақорған ауданының Құрметті азаматы» ұлағатты ұстаз Зинабдин Шермағамбетовтің 80 жасқа толуына орай «Тұғыры биік тұлға» атты кітап көрмесі жасақталып көпшілік қауымға ұсынылды.

Кітап көрмесінде оқырман қауым З.Шермағамбетовтің ұстаздық, шығармашылық қызметімен жақын танысуға мүмкіндік алды. Сондай-ақ көрмеде мерзімді басылым беттерінде ұстаз туралы шыққан материалдар ұсынылған.

А.Сопыбеков атындағы кітапхана қорында  «Жаңақорған ауданының Құрметті азаматы», ұлағатты ұстаз Зинабдин Шермағамбетовтің өмірі мен шығармашылығы туралы материалдары мен «Өткенім өлшем болар өміріме», С.Әбдіқалыққызы «Сағыныш екен сол бір шақ» атты кітаптары қойылды.

Мақсаты: Ұстаздың адам өміріндегі алатын орны зор екендігін, ұстаздарды құрметтеу, сыйлау және қадірлеу қасиеттерін оқушылардың бойына дамыту әрі дарыту.