Тәуелсіздік — Мәңгілік ел тынысы

2018 жылдың желтоқсан айының 15 желтоқсан  күні Бесарық бекеті ауылдық кітапханасы мен клуб үйінің  ұйымдастыруымен Қазақстан Республикасының Тәуелсіздігі мерекесіне орай  «Тәуелсіздік — Мәңгілік ел тынысы» атты көңілді тапқырлар сайысы өткізілді. Шараны ауыл әкімі Е.Тақырбасов ауыл тұрғындарын мерекелерімен құттықтап, алғысын білдірді.

Сайыстың мақсаты: Еліміздің өткеніне, бүгініне, ертеңіне көз жіберіп шолу жасау. Өз еліміздің тілін, тарихын, салт – дәстүрін, әдебиетін қадір тұтып, құрметтеу. Қазақ елімізді әлемдік деңгейге жеткізу – біздің қолымызда екенін айтып түсіндіру. Еліне, Отанына, туған жеріне деген сүйіспеншілігін арттыру.

Шараға №247 мектеп жастары мен әкімшілік аппараты жастары қатысты.

Сайыс 4 бөлімнен «Таныстыру», «Сұрақ, жауап»,  «Үй тапсырмасы»,   «Кино әлемі» атты тақырыптарда талқыланып нәтижесінде екі команда тең түсіп достық туын желбіретті. Қатысушылардың барлығы марапатталды. Кітапханашы «Тәуелдік-тарих тартуы» атты кітап көрмесімен таныстырды.