«Қазақ әдебиетінің ақ сұңқары» әдеби сазды кеш

2019 жыл 20 қараша күні №1 кенттік кітапхананың ұйымдастыруымен қазақ әдебиетінің негізін қалаушы, ақын және қоғам, мемлекет қайраткері Сәкен Сейфуллиннің 125 жылдығына «Арман» кенттік мәдениет үйінде «Қазақ әдебиетінің ақ сұңқары» атты әдеби сазды кеш  болып өтті.  Мақсаты:   Жас ұрпақты еліміздің тәуелсіздігі мен егемендігі үшін күрескен, Алаштың ардақтысы Сәкен Сейфуллиннің өмірі мен шығармаларын оқып білуге баулу, ақынның өз заманындағы саяси — қоғамдық көзқарасын таныту, ұлтжанды ұрпақ тәрбиелеу.

Шара барысында №125 мектептің 8 сынып  оқушылары ақынның өлеңдерін оқып, «Арман» мәдениет үйінің қызметкерлері А.Нақыпов, Р. Ертаевтар Сәкеннің әндерін шырқады. Кітапханашы С.Нұғманова «Қазақ әдебиетінің ақ сұңқары»  атты кітап көрмесімен таныстырып, шолу жасап өтті. Үздік өлең оқып өнер көрсеткен оқушылар «Алғыс хат», «Диплом» мен марапатталды.