«Өмірдастан»

9 ақпан күні Жаңақорған аудандық орталық кітапхананың ұйымдастыруымен «Бір ел – бір кітап» акция аясында мұзбалақ ақын Мұқағали Мақатаевтың «Өмірдастан» атты кітабынан жыр кеші өтті. Кештің мақсаты — ақиық ақын, артына айрықша өшпейтін із қалдырған Мұқағали Мақатаевтың өмірі мен шығармашылығына шолу жасау, поэзиясының халыққа кең таралуының мәні және оның өміршеңдігінің сыры неде екенін таныту, сезіндіру, шығармашылығының музыкасымен үндесу ерекшелігін, ақынның сөзіне жазылған әндерін көпшілік назарына ұсыну. Кешті жүргізген Асем Сағатқызы мен Замира Садықова ақын ғұмырнамасынан мәлімет беріп, ақын өмірінен алынған қызықты деректермен таныстырды. Сондай-ақ  ақынның өз дауысы тыңдалып, көрермендермен сұрақ-жауап арқылы байланыс орнатылды.

Кеш барысында өнерлі оқушылар мен студенттер өз шығармашылығымен ақынның әсем әндері мен сыршыл поэзиясын тарту етті. Талантты оқырмандар «Махаббат» монологын нақышына келтіре орындаса, «Ғашықпын», «Поэзия, менімен егіз бе едің?!»,  «Жүрегімде жүргені-ай бір қауіптің», «Үш бақытым» т.б. өлеңдерін мәнерлеп оқыды.

Шара соңында оқырман «Есіңе мені алғайсың» атты өлеңімен қорытындылады.