«Сырдан асып, Қаратаудан түлеген ұл» атты облыстық жазба ақындар мүшайрасы
18.10.2021
2021 жылдың 18 қазан күні Сунақата ауылдық кітапханасында «Жаңақорған ауданының Құрметті азаматы», «Мәдениет саласының үздігі» , «Ерен еңбегі үшін» төсбелгілерінің иегері , республикаға танымал айтыскер ақын Сыздықов Әбілқайыр Әбілпаттаұлының мерейлі 50 жасқа толуына орай «Сырдан асып, Қаратаудан түлеген ұл» атты облыстық жазба ақындар мүшайрасы болып өтті.
Мүшайраға облыстық халық шығармашылығын дамыту және мәдени продюсерлік орталығының маманы Б.Саймағамбетов, М.Көкенов шығармашылық мектебінің жетекшісі У.Ибрагимов, айтыскер ақын Ә.Сыздықов әділқазылық жасады. Мүшайраға Жолтаев Рахметулла Әбутәліпұлы, Күзенбаев Талғат Айқынбайұлы, Мұстафа Ерсұлтан Айдарханұлы, Үсенова Айман Күмісбекқызы, Күлекешов Қайрат Балғабайұлы, Бекмырзаев Тұрар Шайдуллаұлы, Айтбаев бақтөре Қанибайұлы қатысып, бақ сынады.Нәтижесінде Қармақшы ауданының жазба ақыны Бекмырзаев Тұрар бас жүлдені иеленді.
Ақындар екі кезең бойынша бақ сынады.Бірінші кезеңде Тәуелсіздігіміздің 30 жылдығына, екіншісі айтыскер ақын Әбілқайыр Сыздықовқа арналған арнау өлең. Байқауға қатысқан барлық ақындарға дипломдармен, ақшалай сыйлықтар тапсырылды.
