«Тәуелсіздік — Мәңгілік елдің тұғыры» атты кітап көрмесі

2021 жылдың 13 желтоқсан күні Бірлік ауылдық кітапханасында жалпы оқырман қауымға Тәуелсіздікке — 30 жыл, Желтоқсан оқиғасына — 35 жыл толуына орай «Тәуелсіздік — Мәңгілік елдің тұғыры» атты кітап көрмесі ұйымдастырылды.

Мақсаты: Тәуелсіздік кезеңінде өмірге келген жас ұрпаққа егемендіктің қадір-қасиетін сездіріп, бойға рух, жүрекке шабыт сыйлау арқылы Тәуелсіздік жолындағы күрестерді ғасырлар қойнауына жалғасып келе жатқан ұлы тарихтың бір белгісі екендігін түсіндіру.

Аталмыш көрме Қазақстан тарихында тәуелсіздік пен мемлекетіміздің егемендікке қол жеткізгендегі маңызды кезеңдері туралы ақпарат берді. Көрмеде Тәуелсіздік тарихы және 1986 жылы 16 желтоқсан оқиғасына түрткі болған себептер мен демократия жолында құрбан болған ұл-қыздардың ерліктері жайында материалдар ұсынылды. Ұсынылған кітаптар: Н.Назарбаев «Тәуелсіздік белестері», «Мәңгілік ел», Ә.Бәкір «Тәуелсіздік тағдыры», М.Қозыбаев «Киелі Тәуелсіздік», Азаттық аңсағандар: деректі шығармалар жинағы, «Желтоқсан — көтерілісі» көп томдықтар, К.Табейдің «Қайсар рухты қазақ»,, М.Шахановтың «Желтоқсан эпопеясы», Қ.Аймахан «Тәуелсіздік Желтоқсаннан басталады», «Тәуелсіздік шежіресі:1991 — 2000 ж. Т.1», Н.Оразалин «Азаттық айдыны», «Тәуелсіз Қазақстан: күннен күнге.Оқиғалар хроникасы», А.Смайл «Тұлға.Ұлт.Тағдыр», Е.Зәңгіров «Біз білмейтін қазақтар», Т.Ташенов «Тәуелсіз елдің талайы», К.Адырбекұлы «ХХ ғасыр: Соңғы репрессия», Б.Төлепберген «Қасиеттім — желтоқсан» және тағы басқа құнды басылымдар.

Көрмеден Тәуелсіздік туралы құнды деректерді, фотосуреттерді тамашалап, мемлекетіміздің 30 жылдық тарихында жеткен жетістіктері жайлы толықтай мәлімет алған оқушылар өзара пікірлерімен бөлісті. «Тәуелсіздік — ұрпақ мақтанышы» атты презентация көрсетілді.