«Тәуелсіздік – теңдігім, егемендік ерлігім» атты патриоттық кеш

2021 жылдың желтоқсан айында Төменарық ауылдық кітапханасының ұйымдастыруымен 16 желтоқсан ҚР-ның Тәуелсіздік  күніне орай «Тәуелсіздік – теңдігім, егемендік ерлігім» атты патриоттық кеші болып өтті.

Шараның мақсаты Еліміздің тәуелсіздік алу жолындағы ата — бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға — апалардың ерлігін үлгі етіп көрсету. Оқушылардың туған өлкемізге деген сүйіспеншілігін, сезімдерін ояту. Елін, жерін сүюге, отанын қастерлеуге, шыншылдыққа тәрбиелеу.

Шараны ауыл әкімі Н.Қошқарбеков ашып, «Әдемі-ай» би тобының орндауындағы «Қазақ қызы» биімен басталды. Кеш қонақтары  ауыл әкімдігі, мектеп, бала-бақша  мекеме қызметкерлері. Кеште №223 орта мектептің 9 сынып оқушысы Әмзе Айару өз шығармашылығынан ҚР -ның Тәуелсіздігінің 30 жылдығына арналған «Тәуелсіздік – деп соғады жүрегіміз» атты өлеңін оқыды. «Асылбековтар отбасылық» ансамблінің орындауында сазгер Шынберген Сүлейменовтың  «Ауылға сағыныш» әнін, 10 сынып оқушысы Дүйсенбек Ақниет әнші Қарақат Әбділдинаның «Жақсы адамдарым» атты әнін, жас әнші Бақыт Сәрсенбаев «Бейбітшілік» әнін, клуб үйінің сүйемелдеушісі Жүпар Түменбаева «Атамекен» әнін орындады. Кеште кітапханашы Н.Есіркепова «Тәуелсіздік – елімнің ерлік жолы» атты кітап көрмесімен таныстырды.