«Елбасы жолы» атты танымдық сағат

29 қараша күні Бірлік ауылдық кітапханасында ҚР Тұңғыш Президенті күніне орай «Елбасы жолы» атты танымдық сағат өткізілді.

    Шараның мақсаты — оқырман қауымға Нұрсұлтан Назарбаевтың өмірі мен жүргізген саясатын, іскерлік қабілетін кеңінен насихаттау, жас оқырмандарға тұңғыш Президенттің ел үшін жасаған істерін үлгі-өнеге ету.

Шара барысында «Кемеңгер елдің көшбасшысы» атты кітап көрмесіне шолу жасалды.

Көрмеге «Сындарлы он жыл», «Қазақстан жолы», «Ой бөлістім халқыммен», «Тәуелсіздік белестері», «Тарих толқынында», «Көші қон және қазақ әлемі»,»Ғасырлар тоғысында», Еуразия жүрегінде» сынды Елбасының тәуелсіздік жылдарындағы жүріп өткен жолы, жетістіктері жайлы еңбектерімен қатар, Тұңғыш Президент туралы М.Қасымбековтың «Елін сүйген, елі сүйген Елбасы», «Елбасы және мәдениет» Қ.Сұлтановтың «Елбасы және қазақ мемлекеттігі», «А.Тасболатовтың «Жоғарғы бас қолбасшы- әскери қауіпсіздік кепілі», А.Сәулебектің «Елбасының алтын бесігі» кітаптарымен қатар көркем суретті басылымдар қойылды. Жастар Елбасының балалық шағынан бастап, бүгінгі ерен еңбектері турасында жан-жақты қамтылған кітаптармен танысты.

Бүгінде ұлт көшбасшысының биік саяси бейнесі, зор тарихи тұлғасы ұлтымен ажырамас егіз ұғымға айналды. Осы тұрғыда Назарбаевтың өмір жолы, туып-өскен, оқып білім алған, қызмет еткен жерлері туралы баяндайтын «Менің Президентім»атты презентациямен С.Қожанов атындағы N 55 жалпы орта мектептің мұғалімі Гүлзина Доланбек таныстырды.Елбасының балалық шағы туралы фильмнен үзінді көрсетілді.