«Естен кетпес ұлы есім» атты онлайн слайд-шолу

13 қаңтар күні аса көрнекті мемлекет және қоғам қайраткері, үш мәрте Социалистік еңбек ері, Қазақ КСР Ғылым академиясының академигі, техника ғылымдарының докторы Дінмұхамед (Димаш) Ахметұлы Қонаевтың туылғанына 110 жыл толуына орай Қожакент ауылдық кітапханасының ұйымдастыруымен «Естен кетпес ұлы есім» атты онлайн слайд-шолу жасалды.

Мақсаты: қазақ халқының ұлы перзенті Дінмұхамед Ахметұлы Қонаевтың өмір жолы, туып-өскен, білім алған қызмет еткен жерлері туралы жастарға мағлұмат беру. Оларды тұлғаның өмір жолынан үлгі ала отырып отанын , халықты сүюге, азаматтыққа, патриоттық сезімге тәрбиелеу.

Шара барысында кітапханашы оқырмандарға ұлы тұлға жайында  елу жыл ел ағасы болған Дінмұхамед Ахметұлының балалық шағынан қызметінің соңына дейінгі уақытты, еліміздің іргесін нықтап, еңсесін тіктеп, бүгінгідей қуатты мемлекетке айналдырып кеткен Д.А.Қонаев еңбектері, сонымен қатар оның баға жетпес кісілік келбеті мен адами зор қасиеттері жайлы  Д.А.Қонаевтың Қазақстан ғылым-білім, мәдениетін, құрылыс инфраструктурасын, өнеркәсіптік және шикізаттық базасын өркендетуге  сіңірген еңбектері, нақылға айналған сөздері және Қонаевтің атына беру туралы  мәлімет берді.