«Кітап әлемі – ғажап әлем» атты мерекелік шара

Жаңақорған аудандық орталық кітапханасының ұйымдастыруымен «100 жаңа оқулық» тақырыбында  №195 мектеп гимназияның 9-10 сынып оқушылары, тәрбие ісі жөніндегі орынбасары Б.Данебекова, мектеп кітапханашысы Ә.Әбілдақызы және де мектеп кітапханашысы Г.Әлібекова, сонымен қатар №125 С.Сапарбеков атындағы жалпы орта мектептің 10 сынып  оқушылары, арасында «Кітап  әлемі – ғажап әлем» атты мерекелік шара өтті.

Мақсаты: Оқырманға ұлттық  зияткерлік құндылықтарды  қалыптастыру, патриоттық тәрбие беру,  оқушылардың тілдік қорын арттыру, рухани байыту, кітаптан үйренген тәлім-тәрбиені өмірде қолдану, Қазақстанның көркем әдебиетін насихаттау, өз бетінше оқу дағдысын дамыту, өз ойларын еркін жеткізу дағдыларын қалыптастыру болды.

Шараны аудандық кітапхананың кітапханашысы А.Жаханова ашып, белгілі жазушылардың кітаптарынан №195 мектеп гимназияның 9 сынып оқушылары  жазушы М.Әуезовтың «Көксерек» кітабынан,  Ә.Нұрпейісовтің «Қан мен тер», Б,Соқпақбаевтың «Балалық шаққа саяхат» және №125 С.Сапарбеков атындағы жалпы орта мектептің 10 сынып оқушылары І.Есенберлиннің «Көшпенділер»,  Б.Соқпақбаевтың «Менің атым қожа» повестерінен әдеби шеберлікпен суреттеп, түсінікті етіп айтып берді. Жас оқырмандар әдеби туындылар жайлы ой-пікірлерін ортаға сала отырып, әр түрлі ойындарға қатысты.

«100 жаңа оқулық» жобасы аясында «Кітап – ғажайып әлем» атты кітап көрмесімен кітапханашы Ә.Сағатқызы баспадан жаңа шықан оқулықтар жайлы кітаптармен таныстырып өтті.

Кеш соңында келген қонақтар пікірлерін ортаға салып өте жоғары деңгейде ұйымдастырылғанын, оқушылардың мәнерлеп айту ерекшеліктерін көрсете білгенін, дайындаған жетекшілеріне және оқушыларға марапаттаулар берілді. Қонақтардың бәрі алғыстарын айтып, ерекше әсермен қайтты.