«Адамдық пен ізгіліктің жыршысы» атты библиопост

22  ақпан күні  Кейден ауылдық кітапханасының ұйымдастыруымен ақын, аудармашы, педагог Т.Ізтілеуұлының туғанына 140 жыл толуына орай «Адамдық пен ізгіліктің жыршысы» атты библиопостты әлеуметтік желіде жарияланды.

Мақсаты: Сыр өңірінің сүлейлерінің бірі, дүлдүл ақын, талантты сөз зергері Тұрмағанбет Ізтілеуовтің ақындық мұрасымен таныстыру, сондай-ақ тарихи тұлғаларды танып білуге, ғылым — білімнің адам өміріндегі маңызына көздерін жеткізу.

Т. Ізтілеуов – ғажайып лирик ақын. Ол адамның ішкі сезім дүниесін, наз сырын ақтарарлық асыл сөздер өрнегін жасай білген жалынды талант. Ақын лирикалары назды, сазды болумен қатар мәні терең, шығармалары әсерлі. Тұрмағанбет өлеңді өнер деп, өнерді өлмес, өшпес рухани дүние, халықтың рухани азығы деп бағалайды. Халық барда өнердің өлмейтініне, оның ұрпақтан ұрпаққа өтер мәңгілік екеніне сенеді. Тұрмағанбет мен ғұлама, — деуі өзіндік мінез танытқан, өршіл ақынның «Мен» дейтін қолтаңбасы да өзгелерден ерекшеленіп, оқшауланып тұрғанын көрсетеді.

Ақын өлеңдері жүрекке жетерлік ой тастайды, жыр желісімен ғибраттық ой түйеді. Оқырман әрбір шығармасынан қорытынды шығарып, өзіне өнеге алады.