«Қазақ деген халықтың еркесімін» атты бейне слайд

Бүгін 18 ақпан күні №2 Кенттік кітапханасы Қазақстанның халық әртісі, халық қаһарманы әнші Роза Бағланованың туғанына 100 жыл толуына орай, «Қазақ деген халықтың еркесімін» атты бейне слайдты әлеуметтік желіге ұсынылды.

Мақсаты: Оқырмандарға Роза Бағланованың өмірбаяны мен шығармашылығы жайында  мағұлмат беру.

Қазақтың ән өнерін дамытуға айрықша ауқымды үлес қосқан әншінің репертуарына қазақтың халық әндері, қазіргі композиторларымыздың шығармалары, әлем халықтарының әндері үйлесімді көрініс тапты. Ұлы Отан соғысының отты жылдары кеңес жауынгерлерінің бойына күш— жігер бере отырып, оқ пен оттың астында жүріп те ән шырқаған. Алатаудай ойлы, бойы талдырмаш болса да туған халқына ерен еңбек еткен, ұлылық ән өнерінің тарихында өшпес із қалдырған, талай ұрпаққа жол сілтеген Роза апамыздың өнер жолы шын мәнінде ерлікпен пара—пар. Жайдары мінезімен, жарасымды күлкісімен Кеңес Одағының түпкі—түкпіріндегі халықтардың жүрегіне шуақ дарытты. Әнші туралы 1989жылы «Первая Роза», 2006 жылы»Ах Самара, городок «атты деректі фильмдері түсірілген. Қазақстанның халық әртісі, Халық Қаһарманы, қазақ өнерінің майталманы күміс көмей әнші Роза Тәжібайқызы Бағланова 90 жасқа қараған шағында дүниеден озды.