«Жұлдыздай ағып өткен ақын» атты поэзия кеші

2 наурыз күні Жаңақорған аудандық балалар кітапханасының ұйымдастыруымен ақын Төлеген Айбергеновтың туғанына 85 жыл толуына орай №51 мектептің 8 сынып оқушылары мен сынып жетекшісі И.Майқанова, мектеп кітапханашысы Қ.Нәрзілдаеваның қатысуымен «Жұлдыздай ағып өткен ақын» атты поэзия кеші ұйымдастырылды.

Мақсаты: Төлеген Айбергеновтың өмір жолы мен асыл мұраларын оқырман қауымға таныстыру арқылы жас ұрпақты өз Отанын сүюге тәрбиелеу, туған тілге деген сүйіспеншілігін арттыру, патриоттық тәрбие негіздерін қалыптастыру.

Шараны кітапхана меңгерушісі М.Жиенбаева ашып беріп, ақынның өмір жолы мен шығармашылығына жайлы айтып өтті. Оқушылар ақын шығармашылығынан ата-бабаларының мәңгілік ірге тепкен атамекені туралы жазылған «Туған жер» және адамға деген сүйіспеншілігін жырлаған «Адамдар» өленін, «Ақындық», «Ана», «Апаларым», «Бір тойым бар» өлеңдерін, М. Мақатаевтың ақынға арнаған «Төлегенге»,  М. Шахановтың «Айбергенов шыңы»  жатқа мәнерлеп оқып беріп, ақын тағдыры жайлы бейнеролик тамашалады. Кітапханашы З.Садыкова ақынның кітаптарымен таныстырып, библиографиялық шолу жасады. Сынып жетекшісі И.Майқанова шараны қорытындылады.