«Қазақстан —  татулық пен бірліктің ордасы» атты кітап көрмесі

29 сәуір күні ҚР  Халықтарының бірлігі күніне орай «Қазақстан —  татулық пен бірліктің ордасы» атты кітап көрмесі жасалды.

Мақсаты: Оқушыларға Қазақстан Республикасы ең алғашқы мемлекеттердің бірі болып, сырттан келген басқа ұлт өкілдеріне алтын бесік болғандығын ұғындыру, ынтымақтыққа, достыққа, өз отанын сүюге, қорғауға тәрбиелеу. Көрмеге  кітапхана қорынан  Қазақстанда тұратын барлық этностық топтардың тарихы мен қазіргі өмірін, мәдениетін, дәстүрлерін және өнерін бейнелейтін материалдар ұсынылған «Туыңды көтер», Б.Қошым-Ноғайдың «Достық жоралғы», «Қазақстан және әлем елдері», «Мен Қазақстан азаматымын», Н.Назарбаевтың «Бейбітшілік кіндігі» атты кітаптары қойылып, оқырмандарға таныстырылды.

Кітапханада аудан орталығындағы «Нұр-Рахман» бөбекжай балабақшасының бүлдіршіндері мен тәрбиешілерінің қатысуымен «Бірлігі жарасқан бейбіт ел» атты мерекелік кеш өткізілді. Мақсаты: Бүлдіршіндерді қазақстандық патриотизмге, елін, жерін сүюге, және халқын құрметтеуге тәрбиелеу. Басқа ұлт өкілдерінің мәдениетін, әдет-ғұрпын сыйлауға үйрету. Балалар бірлік, татулық туралы тақпақтарын жатқа айтып, қазақ, орыс, кәріс, өзбек, түрік ұлтының биін биледі.