«Қазақтан шыққан тұңғыш дипломат» тақырыбында танымдық кеш

Бесарық бекеті ауылдық кітапханасының ұйымдастыруымен мамыр айының 17-сі күні  Қазақ халқының қайталанбас тұлғасы, тұңғыш дипломаты Нәзір Төреқұловтың туғанына 130 жыл толуына орай «Қазақтан шыққан тұңғыш дипломат» тақырыбында танымдық кеш өткізілді.

Мақсаты: Нәзір Төреқұловтың өмір жолы, шығармашылығы, мақалалары, ғылыми еңбектері туралы мағлұмат беру. Қазақтан шыққан тұңғыш дипломаттың өмірін оқушыларға үлгі ете отырып, өз елін сүюге, оның көркеюіне үлес қосуға тәрбиелеу.Оқушылардың танымдық деңгейін дамыту.

Шараға мектеп оқушылары қатысты. Танымдық кештің барысында кітапханашы  оқушыларға Нәзір Төреқұловтың өмір жолы, шығармашылығы, мақалалары, ғылыми еңбектері туралы баяндама оқыды. Оқушыларға Нәзір Төреқұловтың өмірбаяны туралы сұрақтар қойылып, слайдтар көрсетілді. Қазақтан шыққан тұңғыш дипломаттың ғұмыр жолын хронологиялық кесте арқылы айтып өтті.