«Бақытты балалар — бақытты болашақ» атты мерекелік кеш

24 мамыр күні  Жаңақорған аудандық балалар кітапханасының ұйымдастыруымен  2022 жыл — Балалар жылы аясында, 1 маусым -Халықаралық балаларды қорғау күніне орай «Бақытты балалар — бақытты болашақ» атты мерекелік кеш өткізілді.

Мақсаты: балалардың жеке қасиеттерін дамыту, тақпақ, өлең, әндерді нақышына келтіре айтуды үйрету. Бір-бірін сыйлауға, адамгершілік қасиеттерін жоғалтпай ұстауға жетелеу.

Шарада кітапхана меңгерушісі М.Жиенбаева балаларды келе жатқан мерекесімен құттықтап, сөз сөйледі. Кітапхана «Шаттық» биін билеп, «Нұр-Дамир» балабақшасының бүлдіршіні А.Түгелбай «Алғыс» әнін орындады. Өнерлі кітапхана оқырманы, №163 мектептің 4 сынып оқушысы Б.Жанболат «Балбырауын» күйін орындады. «Ақсымбат» балабақшасының бүлдіршіні А.Жоламан «Қазағымның  салт-дәстүрлері-ай» әнін орындап, балалар жүн сабап, киіз басып көрініс көрсетті. «Нұрай-Қыдыр» балабақшасының бүлдіршіні А.Бақтыбекқызы «Жақсы адамдарым» әнін айтса, «Сағыныш-С» балабақшасының бүлдіршіндері Ш.Айдархан «Біз бақытты баламыз» әнін, А.Нұридин «Тәрбиеші апайым» әнін тамылжыта шырқап көпшілік қошеметіне бөленді. Шара соңында балалар  түрлі ойындар ойнап сергіп қалды.