«Бабадан қалған асыл сөз» атты әдеби тұлға кеші

2 ақпан күні Жаңақорған аудандық балалар кітапханасында  қара қылды қақ жарған әділ Төле би бабамыздың 360 жылдығына орай N51 М.Қаратаев атындағы мектептің 5 сынып оқушылары мен сынып жетекшісі А.Нұрболқызы мен мектеп кітапханашысы Н.Жарықбаеваның қатысуымен «Бабадан қалған асыл сөз» атты әдеби тұлға кеші өткізілді.

Мақсаты: Төле би бабамыздың ізгі әрекеттері мен биік болмысы, даналығы мен тапқырлығы, қара қылды қақ жарып айтар туралығы, шешендік тапқыр сөздері жайлы түсіндіру, мәлімет беру, әділ шешімі мен билік кесімдерін елге қызмет етемін деген әрбір ұрпаққа үлгі ету. Шараны кітапханашы Ж.Ибраимова жүргізіп,  Төле бидің өмірбаяны мен шешендік өнерімен таныстырды. Балалар  Төле би туралы ұғымдарды тарқатып айтып,  ұлы тұлға жайлы бейнеролик тамашалады.