«Балалар әдебиетінің абызы» атты кітап көрмесі

13 қазан күні  балалар ақыны А.Сопыбековтің ескерткішінің ашылу салтанатына орай аудандық балалар кітапханасы  «Ордакент» жастар және ардагерлер үйінде ақын шығармашылығын насихаттау, өмір жолымен таныстыру мақсатында  «Балалар әдебиетінің абызы» атты кітап көрмесі ұйымдастырылды. Көрмеге ақын  шығармалары, ақынның сандық форматқа көшірілген шығармалары,  Қазақстан жазушыларының А.Сопыбековке арнайы қалдырған қолтаңбалары жазылған кітаптар, арнайы ақынның төсбелгілері, орден, медалдары қойылған инсталяция, «Үлкендерше ойланып, балаларша сөйлеген» тақырыбында балаларға арналған шығармалары, «Ән әлеміндегі Адырбек» тақырыбында ақынның сөздеріне жазылған әндер, «Бір қыры ақындықтың айтыс деген» тақырыбында ақынның Әмір Мәжитовпен, Әптәй Мырзановпен айтыстары мен балаларға арналған айтыстары, өз қолымен жазған қолжазбаларының көшірмелері қойылып шараға қатысушы қалың оқырмандарға таныстырылды.