«Нұр төк еліме, Әз Наурыз» атты мерекелік шара

Түгіскен ауылдық клубында ауыл әкімдігінің, клуб, кітапхана, мектеп, өнер мектебінің ұйымдастыруымен 2024 жылдың 21 наурыз күні Наурыз мерекесіне орай «Нұр төк еліме, Әз Наурыз» атты мерекелік шара өтті.

Мақсаты: Ұлыстың ұлы күні Наурыз мерекесін кең көлемде атап өту арқылы салт – дәстүр, әдет – ғұрпымызды жаңғырту, ұлттық құндылықтарымызды насихаттау.

Шара өнер мектебінің бишілерінің «Қыздар – ай» тобының биімен ашылды. Ауыл әкімі С.Туғанбаев ауыл тұрғындарын Наурыз мерекесімен құттықтап, мекемелердегі бірқатар үздіктерді алғыс хаттармен марапаттады.

Шара барысында қазақтың ұлттық ойындарынан түрлі сайыстар ұйымдастырылып, ұлттық құндылықтарымызды ұлықтайтын қазақы салт – дәстүрлеріміз: «Босаға майлау», «Тұсау кесу», «Қыз ұзату», «Қымызмұрындық» рәсімдері көрсетілсе, «Сауыншылыр», «Нұр- Мұқасан», 80-90 жылдардағы «Үйлену тойлары», «Қыз Жібек» киносын жаңғырту мақсатындағы кинодан үзінді, «Көкпар» көріністерінен сайыс өткізілді. Сонымен қатар арқан тарту, гір көтеру, қол күресі, қаппен секіру, қазақ күресі сынды ұлттық ойындардан жарыс ұйымдастырылды. Шара соңында мекемелердің ақ дастарханынан «Наурыз көже» тамағы беріліп, қариялар ақ батасын берді.