«Әйел ұлттың айнасы»
05.03.2021
5 наурыз күні Жаңақорған аудандық орталық кітапханасы көңілдерге көктем шуағындай сезім мен нұр құйып жеткен әйелдер мерекесіне орай «Әйел ұлттың айнасы» атты онлайн әдеби кеш ұйымдастырылды.
Мақсаты: Оқырмандарға ана жайлы тамаша әндер арқылы аруларды мерекелерімен құттықтау, оқушыларды мейірімділікке, ұстамдылыққа тәрбиелеу, ана еңбегін қадірлей білуге үйрету.
Осы аталмыш мерекеге орай кітапхананың тұрақты оқырмандары аналар мен аруларға арнап ақын-жазушылардың әсем әндерін орындап, жүрек жарды жылы тілектерін жеткізді.
Кеш барысында осы мерекенің тарихынан бастау алып, бүгінгі күнге әйелдер қауымының қоғамдағы рөлі мен алатын орны жайлы журналдар мен әдебиеттерден «Әйел-от анасы, қоғам берекесі» атты кітап көрмесі ұйымдастырылды.
