Кітап оқудың мәдениеті мен әлеуетін көтеру

Жаңақорған аудандық кітапханасы мен «Жастар ресурстық орталығы» КММ және «Ыбырай» оқырмандар клубының ұйымдастыруымен орталық саябақта аудан тұрғындарының кітап оқудың мәдениеті мен әлеуетін көтерудің қандай жолдары бар? Осы сауал төңірегінде шара өткізілді. Аудан азаматтары мен азаматшалары білімді екенінін байқадық. Қойған сұрақтарға өз ойларын бүкпесіз айтып, нық жауап берді. Көпшілігі кітапты серік етсе, ал кей тұрғындар өз қажеттілігіне пайдаланатынын жеткізді. Уақыт барда көп шығарманы оқып қалыңыз, әйтпегенде үлгермей қалуыңыз әбден мүмкін!-деп Генри Дэвид Торо айтпақшы уақытты босқа кетірмей оқып жүрген қанша тұрғынды кездестіріп олардан сүбелі сұхбат бергендері көз қуантады. Кей тұрғындар «Ыбырай» оқырмандар клубының одан әрі шарықтап биік белестерді бағындырарына нық сенімді. Сенімді ақтау үшін әлі талай қызықты дүниелер ұйымдастыру қолға алынды. Егерде сіз кітап оқып оны өзгелермен бөліскіңіз келсе, «Ыбырай» оқырмандар клубының мүшесі болыңыздар. Сіздерді әр жұма күні аудандық орталық кітапханада күтеміз.