«Нұрмаханның шығармашылығы – шындықтың шамшырағы» атты кітап көрмесі

Жаңақорған аудандық кітапхананың, оқырмандарға қызмет көрсету бөлімінің ұйымдастыруымен Манап Көкенов атындағы мәдениет үйінің фоейесінде жазушы, журналист, баспагер, аудармашы, Қазақстанның еңбек сіңірген қайраткері, «Құрмет», «Парасат» ордендерінің иегері, жерлесіміз Нұрмахан Оразбектің «Нұрмаханның шығармашылығы – шындықтың шамшырағы» атты кітап көрмесіне достары, қаламдастары мен жақын бауырлары, кітапсүйер қауым жиналды.

Көрменің мақсаты: Жазушының жүріп өткен жолы, шығармашылық жетістіктері жайлы насихаттау.

Көрмеге жазушының «Қарсыбай Сыпатаев», «Құрбанбай Ырысбеков», «Капитал ортасындағы 18 күн», «Қасиеттісің, сен Отан!», «Қағажу көрген өмірден», «Бар айласы-бас пайдасы», «Мұхиттың арғы жағы, бергі жағы», «Шапық Шөкин», «Көрген жерден көз кетпес», «Өткенге өкпе жүрмейді» атты кітаптары. Сонымен қатар, атақты Оксфорд университетінің «Саясаттану», «Әлеуметтану» түсіндірме сөздіктерін түпнұсқадан қазақшалап, редакциялаған кітаптары мен Нұрмахан ағаның жеке кітапханасындағы кітаптар, мақалалар, суреттер қойылды.

Жазушы өмірінің соңында «Қазақ­стан» баспа үйін» басқарды. Еліміздегі үлкен баспаның бірі болған мекеменің ісін жалғастыруды өзіне парыз санап, оның басшысы ғана емес, қосшысы да болып, ұйымдастырушылық, күнделікті шығармашылық, шаруашылық жұмыстарын да қа­тар атқарған асыл жары Әдия Әбдірімқызы қазір «Қазақстан» баспа үйін» басшысы жұмысын атқарады. Кітап көрмені таныстыру соңында зейнеткер, жазушының қарындасы Рыскүл Оразбекқызы, Жазушылар одағының мүшесі Нұрмахан Елтай, қызы Гүлназ Оразбекқызы көрмені тамашалап, жазушы жайлы толғаныстар, әдемі естеліктер мен әсерлі әңгімелерге жалғасты.