«Ақтарылған жырлары көмейінен» атты поэзия кеші

2022 жылы 3 мамыр күні Жаңақорған ауданы, Еңбек ауылдық кітапханасының ұйымдастыруымен «Балалыққа кітаппен барар жол» кітап оқуды дамыту жобасы аясында, балалар әдебиетіне өз үлесін қосқан көрнекті ақын Адырбек Сопыбековтың туғанына 85 жыл толуына орай «Ақтарылған жырлары көмейінен» атты поэзия кеші өткізілді.

Мақсаты: Сырдың сырлы ақыны Адырбек Сопыбековтың өмірімен және шығармашылығымен таныстыру. Өлеңдерін мәнерлеп жатқа айту.

Кешті №242 мектептің қазақ тілі және әдебиеті пәнінің мұғалімі Ұ.Түкібаева ашып беріп, қарымды қаламгер, балалар әдебиетінің ақыны А.Сопыбековтың өмірімен шығармашылығы жайлы мәлімет берді. Кеш соңында нұрға толы жүзі шуақ шашқан көзінен айқара ашылып тұрған ақ жүректі балалар ақынының «Қара шалдың әңгімесі» атты өлеңімен қорытындылады.