«Ұрпақтар ұмытпайтын ұлы жеңіс» атты  тарихи кеш

6 мамыр күні Жаңақорған аудандық кітапхананың Оқырмандарға қызмет көрсету бөлімі №163 орта мектептің 9 сынып оқушыларының  қатысуымен 9 мамыр – Ұлы Жеңіс күніне орай  «Ұрпақтар ұмытпайтын ұлы жеңіс» атты  тарихи кеш  өткізілді.

Шара соғыстан қайта оралмаған ажал құшқан қаншама боздақтарды еске алып, үнсіздік жарияланудан басталды. Қазақстан Республикасының  гимі орындалып, соғыстың басталуы жайлы көрініс арқылы ашылды. Оқушылар би билеп,  соғыс жайлы тақпақтарын мәнерлеп оқып, «Әкеме хат» атты монолог оқылды.

«Ұлы Жеңіс —  ұрпаққа ұлағатты» атты кітап көрмесімен Әсем Сағатқызы  таныстырып, есімдері ескірмейтін отты жылдарда ел намысын қорғаған жауынгер ағалардың  «Отты жылдар», «Қазақ жауынгерлері Ұлы Отан Соғысы майданында», «Ұлы Отан Соғысына қатысқан қазақстан суретшілері», «Жеңіс», «Есімдері ел есінде», «Даңқ»,  Т.Көлбаев «Өшпес даңқ»,  Ж.Таңрықбаев «Жеңіске жеткен жауынгерлер», «Боздақтар  Т.1,2,3» және т.б көптеген кітаптарға библиографиялық шолу жасады. Кеш қонақтары  тәрбие ісінің меңгерушісі Г.Жапарова  мен кітапханашы Ә.Сағатқызына сөз беріліп, оқушыларды  жеңіс мерекесімен құттықтады. Шараға 70 адам қатысты.

Мақсаты:Ұлы Отан соғысы, оның зардаптары, Ұлы Жеңіс туралы мағұлмат беру. Отан үшін жанын қиған ардагерлеріміздің ерлігін үлгі ете отырып, құрметтеу тәрбиелеу.