«Жеңіс даңқы мәңгілік» атты патриоттық сағат

Бірлік ауылдық кітапханасы 6 мамыр күні С.Қожанов атындағы N55 жалпы орта мектебінің мұғалімі Г.Доланбекпен бірлесіп Жеңіс күніне орай «Ыдырысұлы Әбілпаттал» атындағы жеңіс саябағында «Жеңіс даңқы мәңгілік» атты патриоттық сағат өткізді. Шара барысында «Жұлдызды жеңіс — тұғырлы тыныштық» атты кітап көрмесі жасақталды.

Мақсаты: Оқушыларды адамгершілікке, Отанын сүюге, оны қорғауға баулу. Отанға деген сүйіспеншілігін арттыру, оларға патриоттық тәрбие бере отырып, өз елін, жерін қастерлейтін саналы да парасатты азамат етіп тәрбиелеу.

Соғыс тарихынан сыр шертетін кітап көрмесіне 50-ден астам кітаптар, фотоальбомдар, газет-журналдар мен суреттер қойылды. Атап айтқанда Ұлы Отан соғысы жылдарындағы қазақстандықтардың үлесі, олардың ерліктері жайлы мәліметтер берілген «Жеңіс сарбазы», «Қазақ жауынгері Ұлы Отан соғысы майданында», Ә.Нұршайықовтың «Әскери күнделік», «Боздақтар», Б.Момышұлының «Алыстан сәлем жолдаймын», «Курляндия майданы», «Соғыс қателікті кешірмейді», «Москва үшін шайқас»,«Жетпіс жыл желбірейді Жеңіс туы», «Рейхстагқа ту тіккен Рақымжан Қошқарбаев естелік кітабы», Қ.Шәріповтың «Қаруластар», «Қаһарман қыз Хиуаз», «А.Жақсыбаевтың «Қайтпас қайсар», «Қ.Қайсеновтың «Жау тылында», Ю.Аупбаевтың «Рухы күштілер», «Естелікті сүйген ел нұрлы», Т.Көлбаевтың «Өшпес даңқ», 1941-1945 жылдардағы Ұлы Отан соғысында қаза тапқан жауынгерлер туралы және Қызылорда облысы бойынша майданға аттанып, содан қайтып оралмаған боздақтар жайында жазылған «Боздақтар» — ескерткіш кітабы қойылды.

Шара барысында Жеңіс туралы өлең-жырлар мен ән шырқалып, майдангерлердің жазған хаттарынан үзінділер оқылды.